“Naxçıvan 2019” Beynəlxalq Şahmat Festivalında dördüncü turun nəticələri - FOTOLAR

NUHÇIXAN xəbər verir ki, ümummilli lider Heydər Əliyevin anadan olmasının 96 illiyi münasibətilə Naxçıvan şəhərində keçirilən “Naxçıvan 2019” Beynəlxalq  Şahmat Festivalının dördüncü turunun nəticələri məlum olub.

“A” qrupunda yüksək reytinq uğrunda  mübarizə aparan şahmatçılardan  ilk 3 yeri Eltac Səfərəli (Azərbaycan),  Timur Qareyev (ABŞ) və Nicat Abbasov (Azərbaycan)   öz aralarında bölüşürlər.

Bu qrupda yer alan Naxçıvan şahmatçılarından Sadiq Məmmədov 4-cü görüşü qələbə ilə başa vurub. Pərviz Qasımov Bakı idmançısı Elmar Atakişiyevlə mübarizədən heç-heçə ilə ayrılıb.  Talıb Babayev, Urfan Sevdimalıyev və  Toğrul Həsənzadə  dördüncü turu   məğlubiyyətlə tamamlayıblar.

“B” qrupuna yenə də Gəncə şahmatçısı Amil Abbasov başçılıq edir. Bakı  təmsilçisi Şahin Hüseynov  ikinci və Bakı  idmançısı Elxan Bayramov üçüncü pillələri bölüşürlər.

12 yaşadək şahmatçıların yer aldığı “C” qrupuna liderliyi Bakı təmsilçisi Lalə Hüseynova edir. Babək şahmatçısı Hüseyn Qənbərli və Ordubad idmançısı  Uğur Həsənli isə ikinci-üçüncü yerlərdə qərarlaşıblar.

Qeyd edək ki, 9 turdan ibarət şahmat festivalı mayın 10-da yekunlaşacaq.