NUHÇIXAN xəbər verir ki, ümummilli lider Heydər Əliyevin anadan olmasının 96 illiyi münasibətilə Naxçıvan şəhərində keçirilən “Naxçıvan 2019” Beynəlxalq Şahmat Festivalının səkkizinci turunun nəticələri məlum olub.
“A” qrupunda yüksək reytinq uğrunda mübarizə aparan şahmatçılardan ilk 3 yeriTimurQareyev (ABŞ), Nicat Abbasov (Azərbaycan) vəOrtikNiqmatov (Özbəkistan) öz aralarında bölüşürlər.
Bu qrupda yer alan Naxçıvan şahmatçılarındanUrfanSevdimalıyevmasadan qalib kimi ayrılıb. Pərviz Qasımov və Sadiq Məmmədovsəkkizinci görüşü heç-heçə ilə başa vurublar. Toğrul Həsənzadə və Talıb Babayev isə məğlubiyyətlə barışmalı olublar.
“B” qrupuna bu dəfə də Bakı şahmatçısı Elxan Bayramov başçılıq edir. Ağdam şahmatçısı Fariz Əhmədov və Bakı təmsilçisi Eldar ikinci və üçüncü pillələri bölüşürlər.
12 yaşadək şahmatçıların yer aldığı “C” qrupuna liderliyi yenə də Rusiya şahmatçısı İlqar Məmmədov edir, digər yerləri isə Gəncə idmançısı Niyazi Qafarov və Qazaxıstan təmsilçisi NazarTalqatovöz aralarında bölüşürlər. Qeyd edək ki, 9 turdan ibarət şahmat festivalı mayın 10-da yekunlaşacaq.