Lamin Yamal İspaniya La Liqasında Lionel Messinin 13 illik rekordunu təkrarlayıb
"Barselona"nın hücumçusu Lamin Yamal İspaniya La Liqasının ilk 5 matçında 3 dubl etməklə Lionel Messinin 13 illik rekordunu təkrarlayıb.
NUHÇIXAN klubun mətbuat xidmətinə istinadən xəbər verir ki, gənc hücumçu XXI əsrdə İspaniya çempionatının ilk 5 matçında 3 dəfə iki qol vuran ikinci futbolçu olub.
İspaniyalı forvard cari mövsümdə "Rayo Valyekano" (5:2), "Valensiya" (5:0) və "Levante" (4:2) ilə matçların hər birində iki qol vurub. Əvvəlki analoji göstərici 2012/2013 mövsümündə L. Messi tərəfindən gerçəkləşdirilib. Argentinalı hücumçu həmin vaxt ilk 5 turda "Real Sosyedad" (5:1), "Osasuna" (2:1) və "Xetafe"yə (4:1) qarşı keçirilən görüşlərdə dubla imza atıb.
Qeyd edək ki, futbolçu cari mövsümdə bütün turnirlərdə 7 qol (La Liqada 6, Çempionlar Liqasında 1) vurub. O, ölkə çempionatının bombardirlər yarışında Kilian Mbappe, Rafinya və Serxio Kamelyo ilə birgə birinci pilləni bölüşdürür.