“Naxçıvan” klubu gənc basketbolçu ilə müqavilə imzalayıb
“Naxçıvan” basketbol klubu heyətini daha bir gənc basketbolçu ilə gücləndirib.
Klubdan NUHÇIXAN-a bildirilib ki, komanda 20 yaşlı Murad Babayevlə 1 illik müqavilə imzalayıb. 1,83 metr boya malik basketbolçu son olaraq NTD klubunun formasını geyinib.
Qeyd edək ki, Murad Babayev bu ilin yayında FIBA U-20 Avropa çempionatının B divizionunda Azərbaycan milli komandasının heyətində də çıxış edib.