Futbol üzrə İspaniya millisinin baş məşqçisi ilə yeni müqavilə imzalanıb
İspaniya Futbol Federasiyası millinin baş məşqçisi Luis de la Fuente ilə müqavilə müddətinin uzadıldığını açıqlayıb.
NUHÇIXAN qurumun rəsmi saytına istinadla xəbər verir ki, 65 yaşlı mütəxəssislə yeni sözləşmə 2032-ci ilə qədər nəzərdə tutulub.
O, bu vəzifəyə 2022-ci ilin dekabrında təyin olunub. İspaniya yığması De la Fuentenin rəhbərliyi altında 2023-cü ildə UEFA Millətlər Liqasının, 2024-cü ildə Avropa çempionatının, bu il isə dünya çempionatının qalibi olub.
Qeyd edək ki, Luis de la Fuentenin əvvəlki müqaviləsi 2028-ci ilə qədər nəzərdə tutulmuşdu.