İdman federasiyalarının muzeylərə ekskursiyası olub - FOTOLAR

Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən məlumata görə, Naxçıvan Muxtar Respublikasında fəaliyyət göstərən idman federasiyaları idmançıları və məşqçi müəllimlərinin muzeylərə ekskursiyası təşkil edilib.

Ekskursiya zamanı Naxçıvan Muxtar Respublikası Voleybol Federasiyası Heydər Əliyev Muzeyində, Karate-do Federasiyası Qarabağlar türbəsində, Futbol Federasiyası Naxçıvan Dövlət Xalça Muzeyində, Yüngül Atletika Federasiyası Nəbatat Bağında olublar. Tanışlıq zamanı idmançıları maraqlandıran suallar cavablandırılıb.