Meksikada oyundan sonra ölüm təhdidləri alan hakim yenidən həmin derbiyə təyinat alıb

Meksikalı hakim Marko Antonio Ortis "Atlas" və "Qvadalaxara" komandaları arasında keçiriləcək XI turun oyununa təyinat alıb.

NUHÇIXAN xəbər verir ki, bunu Meksika Futbol Federasiyasının Hakimlər Komitəsi açıqlayıb.

38 yaşlı referi 7 ay əvvəl bu komandalar arasında baş tutan əvvəlki qarşılaşmadan sonra ölüm təhdidləri almışdı. O, ölkəsinin ən tanınmış və təcrübəli hakimlərindən biridir.

Sözügedən derbi oktyabrın 10-da keçiriləcək.

Xatırladaq ki, martın 7-də gerçəkləşmiş oyunda "Qvadalaxara" 2:1 hesabı ilə qalib gəlib. Marko Antonio Ortis qələbə qazanan komandanın xeyrinə iki penalti təyin etmişdi. Onlardan yalnız biri qolla nəticələnmişdi.