Ronaldunun komandası borclarına görə satışa çıxarıla bilər
Səudiyyə Ərəbistanının “Əl-Nəsr” klubu 184 milyon avro məbləğində borc səbəbindən satışa çıxarıla bilər.
NUHÇIXAN xarici mətbuata istinadla xəbər verir ki, İtaliyanın “Milan” və Fransanın “Tuluza” klublarının sahibi olan “RedBird Capital Partners” şirkəti “Əl-Nəsr”ə mümkün investisiya yatırımı ilə bağlı danışıqlar aparır. Komandanın hücumçusu Kriştianu Ronaldu da klubun səhmlərinin 20 faizədək hissəsini əldə edə bilər.
Səudiyyə Ərəbistanı çempionatında 8 turdan sonra 19 xal toplayan “Əl-Nəsr” turnir cədvəlinin üçüncü pilləsində qərarlaşıb. Komanda lider “Əl-Hilal”dan beş xal geri qalır.
Qeyd edək ki, Kriştianu Ronaldu cari mövsümdə dörd qol vurub.