Azərbaycan Premyer Liqasında IX tura iki oyunla start veriləcək
Bu gün Azərbaycan Premyer Liqasında IX tura start veriləcək.
NUHÇIXAN xəbər verir ki, turun ilk oyun günündə iki qarşılaşma keçiriləcək.
Günün ilk matçında “Araz-Naxçıvan” Şamaxı şəhər stadionunda “Qəbələ” ilə üz-üzə gələcək. Saat 15:00-da başlayacaq görüş öncəsi “Qəbələ” 4 xalla turnir cədvəlinin 10-cu pilləsində qərarlaşıb. Naxçıvan təmsilçisi isə 2 xalla sonuncu, 12-ci yerdədir.
Günün ikinci qarşılaşmasında “Zirə” doğma meydanda “Sumqayıt”ı qəbul edəcək. Görüş saat 19:00-da start götürəcək. Paytaxt klubu 12 xalla 6-cı, “Zirə” isə 8 xalla 8-ci sırada yer alır.
Azərbaycan Premyer Liqası
IX tur
23 oktyabr
15:00. "Araz-Naxçıvan" – "Qəbələ"
Hakimlər: Əkbər Əhmədov, Vüsal Məmmədov, Gülnurə Əkbərzadə, Fərid Hacıyev.
VAR: Nicat İsmayıllı.
AVAR: Tərlan Talıbzadə.
Hakim-inspektor: İmanxan Sultani.
AFFA nümayəndəsi: İlham Əliyev.
Şamaxı şəhər stadionu
19:00. "Zirə" – "Sumqayıt"
Hakimlər: Tural Qurbanov, Cəmil Quliyev, Asiman Əzizli, İslam Məmmədov.
VAR: Kamal Umudlu.
AVAR: Zöhrab Abbasov.
Hakim-inspektor: Şahin Cəfərov.
AFFA nümayəndəsi: Elgiz Abbasov.
Zirə İdman Kompleksinin stadionu
Qeyd edək ki, Azərbaycan Premyer Liqasında IX tura oktyabrın 25-də yekun vurulacaq.