Çempionlar Liqası: “Araz-Naxçıvan” futzal klubunun oyununa təyinatlar açıqlanıb
UEFA Çempionlar Liqasının əsas mərhələsinin V qrupunda keçiriləcək “Araz-Naxçıvan” – “Uypeşt” (Macarıstan) oyununun hakim təyinatları açıqlanıb.
NUHÇIXAN Azərbaycan Futzal Federasiyasının rəsmi saytına istinadən xəbər verir ki, oyunun hakimləri Viktor Çeyx (Fransa), Sergey Saçmans (Latviya) və İqor Yaçevic (Latviya) olacaq. Dominik Lorke (Polşa) vaxt hakimi, Sven Eyxler (Almaniya) hakim-inspektor, Marina Kirilyuk (Ukrayna) isə UEFA nümayəndəsi funksiyasını yerinə yetirəcək.
Qeyd edək ki, oktyabrın 27-də Qlivisedəki “Prezero Arena”da keçiriləcək qarşılaşma Bakı vaxtı ilə saat 16:00-da başlayacaq.