“Minsk 2019”: Azərbaycanın dördüncü qızıl medalını boksçu Loren Alfonso Domingez qazanıb
İyunun 29-da - “Minsk 2019” ikinci Avropa Oyunlarının doqquzuncu günündə Azərbaycan boksçusu Loren Alfonso Domigez millimizin aktivinə dördüncü qızıl medalı yazdırıb.
NUHÇIXAN xəbər verir ki, Oyunlarda 81 kiloqram çəki dərəcəsində mübarizə aparan boksçumuz qızıl medal uğrunda görüşdə britaniyalı Bencamin Uittaker ilə qarşılaşıb. Gərgin idman mübarizəsi şəraitində keçən qarşılaşmada 3:2 hesabı ilə qalib gələn boksçumuz “Minsk 2019”da komandamızın aktivinə dördüncü qızıl medalı yazdırıb.