Mateo Kovaçiç “Çelsi” klubuna transfer olunub

İngiltərənin “Çelsi” futbol klubu ötən mövsüm “Real Madrid”dən icarə əsasında heyətinə cəlb etdiyi yarımmüdafiəçi Mateo Kovaçiçin birdəfəlik transferini reallaşdırıb.

NUHÇIXAN xəbər verir ki, London təmsilçisi 25 yaşlı xorvatiyalı yarımmüdafiəçi üçün “Real Madrid”ə 45 milyon avro təzminat ödəyib. M.Kovaçiç “Çelsi” ilə beş illik müqavilə imzalayıb.

Xorvatiyalı yarımmüdafiəçi ötən mövsüm “Çelsi”nin heyətində 51 oyun keçirib.