XXX Yay Universiadasında Azərbaycanı 22 idmançı təmsil edəcək

İyulun 3-də İtaliyanın Napoli XXX Yay Universiadası start götürəcək.

NUHÇIXAN xəbər verir ki, “Gənclik” Könüllü Tələbə İdman Cəmiyyəti Respublika Şurasının (KTİC RŞ) sədri Tofiq Xanəliyevin AZƏRTAC-a verdiyi məlumata görə, yarışda ölkəmizi bədii gimnastika, idman gimnastikası, cüdo, taekvondo, atletika, qılıncoynatma üzrə 22 idmançı təmsil edəcək. Yarışlar iyulun 14-dək davam edəcək.

Xatırladaq ki, Çinin Taypey şəhərində təşkil olunan XXIX Ümumdünya Yay Universiadasında Azərbaycan idmançıları üç qızıl, bir gümüş, dörd bürünc medal qazanaraq yekun siyahıda 24-cü yerdə qərarlaşıblar.