“Qalatasaray” daha iki futbolçunu transfer edib

İstanbulun “Qalatasaray” klubu daha iki futbolçunu transfer edib.

NUHÇIXAN klubun saytına istinadla xəbər verir ki, İstanbul klubu yarımmüdafiəçi Cimmi Durmaz və müdafiəçi Şener Özbayraklının transferini reallaşdırıb.

“Fənərbaxça” ilə müqaviləsi başa çatan Şener Özbayraklı “Qalatasaray”a transfer olub. Klub rəhbərliyi onunla ikiillik müqavilə imzalayıb.

Fransanın “Tuluza” klubunda forma geyinən və əslən türkiyəli olan İsveç milli komandasının oyunçusu Cimmi Durmaz İstanbul komandası ilə üçillik müqavilə imzalayıb.

Qeyd edək ki, “Qalatasaray” bir neçə gün əvvəl Rayan Babel, Adem Büyük və Valentin Ozornvaforu heyətinə cəlb edib.