Bir neçə saatdan sonra Avropanın diqqəti Odlar Yurdu Azərbaycanın paytaxtı Bakıya yönələcək

538

Bir neçə saatdan sonra dünyanın diqqəti Odlar Yurdu Azərbaycanın paytaxtı Bakıya yönələcək. Tarixdə 15-ci dəfə təşkil olunacaq Avropa Gənclər Yay Olimpiya Festivalının təntənəli açılış mərasimi məhz “Baku Crystal Hall”da keçiriləcək.

NUHÇIXAN xəbər verir ki, qitənin 3900 idmançısını ağuşuna alacaq 25 minlik tamaşaçı tutumuna malik arenada atletlərlə yanaşı, tamaşaçılar da XV Avropa Gənclər Yay Olimpiya Festivalı həyəcanının bir parçasına çevriləcək.

“Baku Crystal Hall” “Eurovision 2012” beynəlxalq mahnı müsabiqəsinin keçirilməsi üçün paytaxtın Dövlət Bayrağı Meydanının ərazisində xüsusi olaraq tikilib. Kompleksin tikintisi Azərbaycan Prezidenti İlham Əliyevin Sərəncamına əsasən dövlət komitəsi tərəfindən həyata keçirilib. Kompleksin layihəsinin baş dizayneri alman şirkəti “GMP”, arenanın dizayneri isə İsveçrə şirkəti “Nüssli International AG”dir.

Qurğunun tikintisi 2012-ci il aprelin 16-da başa çatıb. Mayın 7-də isə kompleksin rəsmi açılışı olub və arena mayın 22-26-da “Eurovision 2012” beynəlxalq mahnı müsabiqəsinin yarımfinalları və finalına ev sahibliyi edib. “Baku Crystal Hall”un fasadı müxtəlif effektləri yaratmağa icazə verən çoxsaylı müasir dinamik led lampalarla təchiz edilib. “Eurovision 2012”də hər bir ifaçının səhnəyə çıxışı zamanı bu led lampaların işıqlandırılması iştirakçı ölkənin bayrağının rənglərini canlandırıb.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: