Basketbol üzrə birincilik keçirilib

NUHÇIXAN xəbər verir ki, Naxçıvan şəhər tam orta məktəblərinin oğlan komandaları arasında basketbol üzrə birincilik  keçirilib.

Yarış 3 nömrəli tam orta məktəbin idman zalında reallaşıb. Naxçıvan şəhər Uşaq-gənclər idman məktəbi və Təhsil şöbəsinin birgə təşkilatçılığı ilə keçirilən birincilikdə 6 komanda qalib olmaq uğrunda mübarizə aparıb. Olimpiya sistemi üzrə keçirilən yarışın yekun nəticəsinə əsasən Uşaq-gənclər idman məktəbinin komandası  I, 11 nömrəli tam orta məktəbin komandası II, 3 nömrəli tam orta məktəbin komandası isə III yerin sahibi olublar.

Sonda yer tutan komandalara təşkilatçılar tərəfindən  diplomlar  təqdim  edilib.

                                              Əli İbrahimbəyli