“Qarabağ”ın səfər qələbəsini qeydə almış isveçrəli baş hakim “Linfild”lə oyunu idarə edəcək

UEFA Avropa Liqasının pley-off mərhələsinin ilk oyunları çərçivəsində keçiriləcək “Linfild” və “Qarabağ” klubları arasındakı görüşü isveçrəli FIFA referisi Sandro Şörer idarə edəcək.

NUHÇIXAN xəbər verir ki, otuz bir yaşlı referi daha əvvəl Ağdam klubunun qarşılaşmasında baş hakim olub. S.Şörer 2017-2018-ci illər mövsümündə Avropa Liqasının qrup mərhələsində “Qarabağ”ın Ukraynada “Vorskla”ya qarşı keçirdiyi görüşü idarə edib. Poltavadakı Aleksey Butovski adına stadionda keçirilmiş matçda “Qarabağ” 1:0 hesab ilə qələbə qazanmışdı. Görüşdə yeganə qolu 11 metrlik cərimə zərbəsindən Araz Abdullayev vurmuşdu. O zaman meydan sahiblərinin dörd, “Qarabağ”ın isə iki futbolçusuna (Maksim Medvedev və Donald Gerye) sarı vərəqə göstərilmişdi.

Bu mövsüm Avroliqada ilk dəfə oyuna baş hakim kimi təyinat alan isveçrəli referi indiyədək 32 beynəlxalq oyun idarə edib. O, bu qarşılaşmalarda 12 penalti təyin edib, 132 sarı və 9 qırmızı vərəqə göstərib.

“Linfild” və “Qarabağ” qarşılaşması avqustun 22-də Şimali İrlandiyanın Belfast şəhərindəki “Windsor Park”da təşkil olunacaq.