"Qalatasaray"ın yeni transferi Radamel Falkaonu İstanbulda çoxsaylı azarkeş qarşılayıb

Türkiyənin "Qalatasaray" komandasının Fransanın "Monako" klubundan heyətinə cəlb etdiyi Radamel Falkao İstanbula gəlib. Kolumbiyalı ulduzu İstanbulun Atatürk hava limanında çoxsaylı azarkeş qarşılayıb.

NUHÇIXAN "TRT Spor"a istinadla xəbər verir ki, kolumbiyalı hücumçu tibbi müayinədən keçdikdən sonra onunla rəsmi müqavilə imzalanacaq. Otuz üç yaşlı forvardın İstanbul təmsilçisində ildə 5 milyon avro maaş alacağı bildirilir.

Qeyd edək ki, 2013-cü ildən "Monako"da çıxış edən Falkao "Portu", "Atletiko Madrid", "Mançester Yunayted" və "Çelsi" kimi klubların da formasını geyinib.