“Qalatasaray”ın baş məşqçisi Fateh Terim 4 oyunluq cəzalandırılıb
Türkiyə Futbol Federasiyasının İntizam Komitəsi “Qalatasaray”ın baş məşqçisi Fatih Terimi 4 oyunluq cəzalandırıb.
NUHÇIXAN xəbər verir ki, 66 yaşlı türkiyəli mütəxəssis ölkə çempionatının 3-cü turunda “Kayserispor”la matçdan sonrakı açıqlaması idman qaydalarına zidd hesab edildiyi üçün bu cəza tətbiq olunub.
Fateh Terim Superliqada “Kasımpaşa”, “Malatyaspor”, “Fənərbağça” və “Gənclərbirliyi” ilə oyunlarda texniki zonada yer ala bilməyəcək. Mütəxəssis bundan əlavə olaraq 19 min türk lirəsi məbləğində cərimələnib.
“Qalatasaray”ın məşqçisi Ümit Davala da rəqib komandanın azarkeşlərini təhqir etdiyinə görə 3 oyunluq cəzalandırılıb və 19 min 500 türk lirəsi məbləğində cərimə olunub.