“Mançester Yunayted” klubu ispaniyalı qapıçısı David de Xea ilə yeni müqavilə imzalayıb

İngiltərənin “Mançester Yunayted” klubu ispaniyalı qapıçısı David de Xea ilə müqavilənin müddətini uzadıb.

NUHÇIXAN klubun saytına istinadla xəbər verir ki, futbolçu ilə 2023-cü ilin yayına qədər qüvvədə olan yeni müqavilə imzalanıb. Müqaviləyə əsasən, qapıçı bonuslar da daxil olmaqla həftədə 400 min avro məvacib alacaq.

David de Xea 2011-ci ildən “Mançester Yunayted” klubunda çıxış edir. Cari mövsüm İngiltərə Premyer Liqasında dörd oyun keçirən qolkiper dörd qol buraxıb.