Qadın güləşi üzrə milli komandamızın lideri Mariya Stadnik Azərbaycanın idman tarixinə düşüb
Qadın güləşi üzrə milli komandamızın lideri Mariya Stadnik Azərbaycanın idman tarixinə düşüb.
NUHÇIXAN xəbər verir ki, Qazaxıstanın paytaxtı Nur-Sultanda keçirilən güləş üzrə dünya çempionatında sentyabrın 18-də qızıl medal qazanan M.Stadnik (50 kq) karyerasında ikinci dəfə bu titula sahib olub. O, Azərbaycanın idman tarixində ikiqat dünya çempionu olan ilk qadın güləşçidir.
Xatırladaq ki, Azərbaycanda güləş idmanının tarixində yunan-Roma pəhləvanı Fərid Mansurov iki, sərbəst güləşçimiz Hacı Əliyev isə üçqat dünya çempionu adını qazanıblar.