Bu gün futbol üzrə Azərbaycan çempionatının beşinci turuna start verilir

A- A A+

Sentyabrın 21-də futbol üzrə Azərbaycan Premyer Liqasının beşinci turuna start veriləcək.

NUHÇIXAN xəbər verir ki, turun birinci günündə iki görüş oynanılacaq. Birinci oyunda “Sumqayıt” klubu “Sabah” komandası ilə qarşılaşacaq. Saat 17:30-da başlayacaq görüşü Rəvan Həmzəzadə idarə edəcək.

Günün ikinci matçı “Səbail” və “Qəbələ” komandaları arasında oynanılacaq. Saat 19:45-də start götürəcək görüş “ACCO Arena”da keçiriləcək. Matçın baş hakimi Əliyar Ağayev olacaq.

Sentyabrın 22-də “Bakcell Arena”da “Keşlə” klubu “Neftçi”in qonağı olacaq. Matç saat 18:30-da başlayacaq. Oyununda baş hakim funksiyasını İnqilab Məmmədov yerinə yetirəcək.

Tura sentyabrın 23-də oynanılacaq “Zirə” və “Qarabağ” matçı ilə yekun vurulacaq. Rauf Cabbarovun idarə edəcəyi qarşılaşma saat 19:00-da start götürəcək.

Turun bütün görüşləri “CBC Sport” kanalı ilə birbaşa yayımlanacaq.

Dörd turdan sonra turnir cədvəlinə 12 xalla “Qarabağ” klubu başçılıq edir. Doqquz xalı olan “Səbail” ikinci, “Zirə” isə 7 xalla üçüncü yerdə qərarlaşıb. Digər pillələrdə müvafiq olaraq, “Keşlə” (6 xal), “Neftçi” (4), “Sumqayıt” (3), “Qəbələ” (3) və “Sabah” (2) klubları yer alıblar.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: