Azərbaycan paracüdoçuları Daşkənd Qran-Prisində güclərini sınayırlar

Sentyabrın 23-də Özbəkistanın paytaxtı Daşkənddə paracüdo üzrə Qran-Pri yarışları başlayıb.

NUHÇIXAN xəbər verir ki, turnirdə Azərbaycan millisi də medallar uğrunda mübarizə aparır. Kişilərin yarışında ölkəmizi Namiq Abaslı (66 kq), Ramil Qasımov (73 kq), Hüseyn Rəhimli (81 kq), Rövşən Səfərov (90 kq), Kənan Əbdülxanlı (100 kq) və İlham Zəkiyev (100 kq-dan yuxarı) təmsil edirlər.

Qadınların mübarizəsində isə Şahanə Hacıyeva (48 kq), Bəsti Səfərova, Səbinə Abdullayeva (hər ikisi 52 kq), Afaq Sultanova, Sevda Vəliyeva (57 kq), Xanım Hüseynova (63 kq) və Zülfiyyə Hüseynova (70 kq) birincilik uğrunda yarışırlar.