Kikboksçularımızdan 10 medal - FOTOLAR
NUHÇIXAN xəbər verir ki, Naxçıvanın “Turan Döyüş Klubu”nun idmançıları Qrepplinq üzrə Bakı turnirindən uğurlu nəticələrlə geri dönüblər.
Paytaxt Bakı və bölgələri təmsil edən komandaların iştirak etdiyi birincilikdə idmançılarımız 10 medalla geri qayıdıblar. Muxtar respublikamızı yarışda “Turan Döyüş Klubu”nun idmançıları təmsil ediblər. Məşqçi Xəyal Abdullayevin başçılığı ilə klubun 10 üzvü yarış həyəcanı yaşayıb. İdmançılarımızın əksəriyyəti ilk dəfə ölkə miqyaslı yarışda iştirak etməsinə baxmayaraq ümidlərini doğruldublar.
Beləliklə “Turan Döyüş Klubu”nun idmançıları turniri 3 qızıl, 4 gümüş və 3 bürünc medalla başa vurublar.