Futzal üzrə Azərbaycan millisi dünya çempionatının əsas mərhələsini qələbə ilə başa vurub
Oktyabrın 26-da Bakıda futzal üzrə dünya çempionatının əsas mərhələsinə yekun vurulub.
NUHÇIXAN xəbər verir ki, üçüncü qrupun oyunları çərçivəsində millimiz Bakı İdman Sarayında Slovakiya komandası ilə qarşılaşıb. Görüş Azərbaycan milli komandasının 2:0 hesablı qələbəsi ilə başa çatıb. Millimizin heyətində Bolinha və Vassoura fərqləniblər.
Qeyd edək ki, millimiz Moldova yığmasını 3:1, Monteneqronu isə 3:2 hesabı ilə məğlub edərək dünya çempionatının elit raunduna vəsiqəni təmin edib.