Naxçıvan şahmatçıları Moldova şahmatçıları ilə mübarizə aparırlar

Türkiyənin Çorum şəhərində 16 yaşlılar arasında təşkil edilən Şahmat Olimpiadasının 5-ci turunun oyunları keçirilir.

NUHÇIXAN xəbər verir ki, olimpiadada ölkəmizi təmsil edən 16 yaşadək şahmatçılardan ibarət əsas yığmamız – “Azərbaycan” komandası İsrail, “Azərbaycan-Naxçıvan” yığması Moldova şahmatçıları ilə mübarizə aparırlar.

Ötən turda “Azərbaycan” komandası Kanada şahmatçılarına 3:1 hesabla qalib gəlib. Komandamız 4 turun nəticəsinə görə 7 xalla ikinci yerdədir. “Azərbaycan-Naxçıvan” isə Çex təmsilçilərinə məğlub olub - 1:0.

Xatırladaq ki, “Azərbaycan” komandası birinci turda Monqolustan, ikinci turda ABŞ şahmatçılarına 3:1 hesabı ilə qalib gəlib, üçüncü turda Özbəkistan ilə heç-heçə edib. “Azərbaycan-Naxçıvan” komandası isə Tailand təmsilçilərinə 3,5:0,5, Türkiyə şahmatçılarına 3:1 hesabı ilə qalib gəlib, Qazaxıstan yığmasına məğlub olub - 1:3.