Naxçıvanda qızlar arasında birincilik keçirilib - FOTOLAR
NUHÇIXAN xəbər verir ki, Naxçıvan Qarnizonu tam orta məktəbinin idman zalında Naxçıvan şəhər ümumtəhsil məktəblərinin qız komandaları arasında həndbol birinciliyi keçirilib. Birincilik "15 iyun–Milli Qurtuluş günü” münasibətilə təşkil olunub. Naxçıvan Şəhər Təhsil Şöbəsinin, Naxçıvan Şəhər Gənclər və İdman İdarəsinin birgə təşkilatçılığı ilə keçirilən birincilikdə 7 komanda iştirak edib. Birinciliyin yekununa əsasən Naxçıvan Qarnizonu tam orta məktəbinin komandası birinci, Qızlar Liseyinin komandası ikinci , 3 və 15 №-li tam orta məktəblərin komandaları isə üçüncü yerlərə layiq görülüblər. Birinciliyin sonunda komandalar təşkilatçıların diplomları ilə təltif olunublar.