İspaniya La Liqası: “Barselona” klubu “El-Klassiko” öncəsi xal itirib
Dekabrın 14-də İspaniya La Liqasının 16-cı turunun növbəti oyunları keçirilib.
NUHÇIXAN xəbər verir ki, sonuncu çempion “Barselona” klubu səfərdə “Real Sosiedad” komandasının qonağı olub. Görüş 2:2 hesablı heç-heçə ilə başa çatıb. Kataloniyalıların heyətində Antuan Qrizman, Luis Suares, “Real Sosyedad” klubunda isə Mikel Oyarzabal və Aleksander İsak fərqləniblər.
“Barselona”nın əzəli rəqibi “Real Madrid” klubu dekabrın 15-də səfərdə “Valensiya” komandası ilə qarşılaşacaq.
Xatırladaq ki, “El-Klassiko” dekabrın 18-də Bakı vaxtı ilə saat 23:00-da başlayacaq.