Qadın voleybolçulardan ibarət Azərbaycan millisinin Avropa Olimpiya Təsnifat Turniri üçün heyəti açıqlanıb

A- A A+

Niderlandda keçiriləcək Avropa Olimpiya Təsnifat Turnirində mübarizə aparacaq qadın voleybolçulardan ibarət Azərbaycan milli komandasının heyəti açıqlanıb.

NUHÇIXAN xəbər verir ki, baş məşqçi Vasif Talıbov 11 günlük təlim-məşq toplanışının yekununa əsasən oyunçuları müəyyənləşdirib.

Yanvarın 7-12-də Apeldorn şəhərində baş tutacaq yarışda millimizin heyətində toppaylayıcılar - Kristina Yaqubova, Şəfaqət Alışanova, blokçular - Ayşən Abduləzimova, Kseniya Pavlenko, Mariya Kirilyuk, hücumçular - Anastasiya Qurbanova, Nelli Salbişvili, Yelizaveta Səmədova, Nikalina Başnakova, Polina Rəhimova, Marqarita Əzizova, liberolar - Yuliya Kərimova və Bəyaz Alıyeva mübarizə aparacaqlar.

Yığmamız yarışda A qrupunda mübarizə aparacaq. Komandamız Niderland, Polşa və Bolqarıstanla qüvvəsini sınayacaq. B qrupunda isə Türkiyə, Almaniya, Belçika və Xorvatiya voleybolçuları yarışacaqlar.

Reqlamentə əsasən, qrupda ilk iki yeri tutacaq komandalar yarımfinala yüksələcəklər. Burada çarpaz olaraq üz-üzə gələcək yığmalar ardınca finalçını müəyyənləşdirəcəklər. Həlledici görüşdə isə “Tokio 2020” Yay Olimpiya Oyunlarında Avropanı təmsil edəcək sonuncu komandanın adı dəqiqləşəcək.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: