Luis Suarez La Liqada dekabrın ən yaxşı futbolçusu seçilib

İspaniyanın “Barselona” klubunun hücumçusu Luis Suarez La Liqada dekabrın ən yaxşı futbolçusu seçilib.

NUHÇIXAN xəbər verir ki, 32 yaşlı uruqvaylı hücumçu dekabrda iştirak etdiyi 5 oyunda 3 qol vurub və 6 məhsuldar ötürmə edib. Luis Suarez UEFA Çempionlar Liqasının qrup mərhələsində “Barselona”nın heyətində İtaliyanın “İnter” klubu (2:1) ilə oyunda bir məhsuldar ötürmə ilə yadda qalıb. İspaniya çempionatında isə uruqvaylı hücumçu “Malyorka”, “Real Sosyedad” və “Deportivo Alaves” klubları ilə görüşlərin hər birində 1 dəfə fərqlənib.

Qeyd edək ki, Luis Suarez cari mövsümdə “Barselona”nın heyətində keçirdiyi 22 oyunda 14 qol vurub.