Kriştiano Ronaldo “Yuventus”da dekabrın ən yaxşı futbolçusu seçilib

İtaliyanın “Yuventus” klubunun hücumçusu Kriştiano Ronaldo Turin komandasında dekabr ayının ən yaxşı futbolçusu seçilib.

NUHÇIXAN xəbər verir ki, 34 yaşlı portuqaliyalı hücumçu ötən ay 6 oyuna 6 qol vurub. Ronaldo İtaliya A Seriyasında “Sassuolo”, “Latsio”, “Sampdoriya” klubları ilə oyunda 1, “Udineze” ilə matçda isə 2 qol vurub. UEFA Çempionlar Liqasında isə “Bayer Leverkuzen”lə oyunda bir dəfə fərqlənib.

Qeyd edək ki, portuqaliyalı hücumçu cari mövsümdə “Yuventus”un heyətində keçirdiyi 23 oyunda 16 qol vurub və 2 məhsuldar ötürmə edib.