Futzal üzrə Azərbaycan millisi Özbəkistan yığması ilə qarşılaşacaq
Dünya çempionatının elit-raund mərhələsinə hazırlaşan futzal üzrə Azərbaycan milli komandası bu gün yoldaşlıq oyunu keçirəcək.
NUHÇIXAN xəbər verir ki, komandamız saat 20:00-da Bakı İdman Sarayında Özbəkistan futzalçıları ilə qarşılaşacaq.
Oyunu Hikmət Qafarlı, Anar Fərəcov və Rahin Heybətovdan ibarət hakimlər briqadası idarə edəcəklər.
Komandalar arasında növbəti yoldaşlıq oyunu yanvarın 22-də keçiriləcək.
Qeyd edək ki, Azərbaycan millisi elit-raund mərhələsi çərçivəsində yanvarın 29-da Xorvatiya, ertəsi gün Rusiya, fevralın 1-də isə Slovakiya yığmaları ilə qarşılaşacaq. Bu qrupun oyunları Xorvatiyanın Osiek şəhərindəki “Qradsk vrt Arena”da keçiriləcək.