Millimizin Xorvatiya və Rusiya ilə oyunları italiyalı hakimlər briqadasına tapşırılıb
Futzal üzrə dünya çempionatının elit-raund mərhələsində mübarizə aparacaq Azərbaycan millisinin oyunlarına hakim təyinatları açıqlanıb.
NUHÇIXAN xəbər verir ki, Xorvatiyanın Osiek şəhərindəki “Qradsk vrt Arena”da millimizin iştirkı ilə keçiriləcək ilk iki oyunu İtaliyadan olan hakimlər idarə edəcək.
Yanvarın 29-da keçiriləcək Xorvatiya–Azərbaycan oyununu Angelo Galante, Nikola Manzione və Alessandro Malfer idarə edəcəklər. Matç Bakı vaxtı ilə saat 23:00-da start götürəcək. Ertəsi gün baş tutacaq Azərbaycan–Rusiya oyunu Alessandro Malfer, Angelo Galante və Çiara Peronaya tapşırılıb. Qarşılaşmanın start fiti saat 20:00-da səslənəcək.