Azərbaycan millisi Gürcüstan yığmasına minimal hesabla qalib gəlib

Tbilisidə təlim-məşq toplanışında olan futbol üzrə 19 yaşadək qızlardan ibarət Azərbaycan milli komandası növbəti yoldaşlıq oyununu keçirib.

NUHÇIXAN AFFA-nın saytına istinadla xəbər verir ki, Gürcüstanın eyni yaş qrupundan ibarət komandası ilə qarşılaşan yığmamız 1:0 hesablı qələbə qazanıb. Millimizin heyətində Nisrina Zeriul fərqlənib.

Xatırladaq ki, bu komandalar arasında iki gün əvvəl keçirilmiş oyunda Gürcüstan yığması 1:0 hesabı ilə qalib gəlmişdi.