İdman jurnalistləri arasında PES2020 oyunu üzrə Azərbaycan çempionatı keçiriləcək

Martın 3-də idman jurnalistləri arasında ilk dəfə PES2020 üzrə Azərbaycan çempionatı təşkil ediləcək.

NUHÇIXAN xəbər verir ki, 5 Mart - Bədən Tərbiyəsi və İdman Gününə həsr olunacaq yarış Azərbaycan İdman Jurnalistləri Federasiyası (AİJF) və Azərbaycan Kiberidman Federasiyasının (AzKİF) birgə təşkilatçılığı “Nizami E-Sport Arena” və GLA-nın tərəfdaşlığı ilə təşkil olunacaq.

Olimpiya sistemi üzrə keçiriləcək çempionatın qalibinə “PlayStation 4” oyun dəsti veriləcək. Bundan başqa, ikinci və üçüncü yerlərin sahibləri də mükafatlandırılacaqlar.