Azərbaycan Premyer Liqasının XVI turunun rəmzi komandası açıqlanıb

Fevralın 10-da futbol üzrə Azərbaycan Premyer Liqasında XVI turun rəmzi komandası müəyyənləşib.

NUHÇIXAN Peşəkar Futbol Liqasının (PFL) saytına istinadla xəbər verir ki, “InStat”ın təhlili əsasında müəyyənləşdirilən rəmzi komandada “Sabah” klubundan 4, “Səbail”, “Qarabağ” və “Sumqayıt” komandalarının hərəsindən 2, “Qəbələ”dən isə 1 futbolçu yer alıb.

Rəmzi heyətə Saşa Stamenkoviç (“Sabah”), Ailton Silva (“Qarabağ”), Filip İvanoviç (“Sabah”), İviça Juniç (“Qəbələ”), Maksim Medvedev (“Qarabağ”), Elvin Cəfərquliyev (“Sumqayıt”), Xəyal Nəcəfov (“Sumqayıt”), Hendrik Ekşteyn (“Səbail”), Ozan Can Kökcü (“Sabah”), Ruslan Hacıyev (“Səbail”) və Marko Deviçin (“Sabah”) adları salınıb.

Qeyd edək ki, 16 turdan sonra turnir cədvəlinə 35 xalla “Qarabağ” klubu başçılıq edir. Aktivində 27 xal olan “Neftçi” ikinci, 26 xalı olan “Keşlə” isə üçüncü yerdə qərarlaşıb. Digər pillələrdə müvafiq olaraq “Sumqayıt” (22), “Zirə” (20), “Sabah” (16), “Səbail” (15) və “Qəbələ” (13) yer alıblar.