İngiltərə Premyer Liqasında ən çox məvacib alan futbolçuların siyahısı açıqlanıb

İngiltərənin tanınmış “Spotrac” portalı Premyer Liqada ən çox məvacib alan futbolçuların siyahısını açıqlayıb.

NUHÇIXAN “Championat.ru” saytına istinadla xəbər verir ki, birinci yerdə ildə 23 milyon avro məvacibi olan “Mançester Yunayted”in qapıçısı David de Xea qərarlaşıb. İkinci pillədə “Mançester Siti”nin iki futbolçusu - Kevin de Brüyne (19,7 milyon avro) və Rahim Sterlinq (18,5 milyon avro) yer alıblar.

Siyahıdakı digər yerləri müvafiq olaraq, Pol Poqba (“Mançester Yunayted” - 17,8 milyon avro), Məsut Özil (“Arsenal” – 16,5 milyon avro), Antoni Marsial (“Mançester Yunayted” – 15,3 milyon avro), Serxio Aqüero (“Mançester Siti” – 14,1 milyon avro), Məhəmməd Salah (“Liverpul” – 12,3 milyon avro), Markus Reşford (“Mançester Yunayted” – 12,3 milyon avro), Harri Keyn (“Tottenhem” – 12,3 milyon avro), Tanqo Ndombele (“Tottenhem” – 12,3 milyon avro), Aleksander Lakazet (“Arsenal” – 11,1 milyon avro), Roberto Firmino (“Liverpul” – 11 milyon avro), Virgil van Deyk (“Liverpul” – 10,1 milyon avro), Harri Maquayer (“Mançester Yunayted” – 10 milyon avro) tutublar.