“La Gazzetta dello Sport”: “Milan” klubu “Fly Emirates” ilə 2025-ci ilə qədər sponsorluq razılığı əldə edib
İtaliyanın “Milan” klubu “Fly Emirates” ilə 2025-ci ilədək davam edəcək sponsor razılığı əldə edib.
NUHÇIXAN “La Gazzetta dello Sport” nəşrinə istinadla xəbər verir ki, yeni müqaviləyə görə, kompaniya “Milan”a illik minimum 10 milyon avro ödəyəcək və qalan ödənişlər uğurlardan asılı olacaq.
Başa çatan müqaviləyə görə “Fly Emirates” şirkəti “Milan”a illik 14 milyon avro və bonus ödənişini edirdi. Hesablamalara görə, “Milan” ötən beş ildə bu sazişə əsasən, 75-90 milyon avro qazanıb.