“Real Madrid” “El-Klassiko”ya ciddi itkilərlə çıxacaq

İspaniyanın “Real Madrid” futbol klubu La Liqanın XXVI turunda keçiriləcək 2020-ci ilin birinci “El-Klassiko”suna itkilərlə çıxacaq.

NUHÇIXAN xəbər verir ki, Madrid təmsilçisinin heyətində zədəli olan Eden Hazardın ardından Rodriqonun da bu vacib görüşü buraxacağı dəqiqləşib.

Braziliyalı yarımmüdafiəçi “Real”ın ikinci komandası olan “Kastilya”nın heyətində 3-cü liqada “San Sebastian Reyes”lə qarşılaşmada qırmızı vərəqə alıb. La Liqanın qanununa əsasən Rodriqo növbəti matçda iştirak etməyəcək.

Qeyd edək ki, “Real”–“Barselona” matçı martın 1-də Bakı vaxtı ilə saat 00:00-da keçiriləcək.