Xosep Qvardiola UEFA Çempionlar Liqasında yeni rekorda imza atıb

İngiltərənin “Mançester Siti” futbol klubunun baş məşqçisi Xosep Qvardiola UEFA Çempionlar Liqasının səkkizdəbir final mərhələsinin birinci oyununda “Real Madrid”ə qalib gəlməklə (2:1) yeni rekord qırıb.

NUHÇIXAN xəbər verir ki, 49 yaşlı mütəxəssis pley-offlarda 28-ci qələbəsini qazanıb.

İspaniyalı məşqçi bu nəticə ilə UEFA Çempionlar Liqasının pley-off mərhələlərində ən çox qələbə qazanan məşqçi adına yiyələnib. O, Joze Mourinyo, Karlo Ançelotti və Aleks Fergüssonu qabaqlayıb. Hər üç mütəxəssisin aktivində 27 qələbə var.