“Milan” UEFA Avropa Liqasından kənarda qala bilər
UEFA İtaliyanın “Milan” futbol klubunu iki il avrokuboklardan uzaqlaşdırmaq istəyir.
NUHÇIXAN “Sky Sport” a istinadla xəbər verir ki, UEFA “rossonierilər”in maliyyə “Fair-play” qaydalarını pozmaqda iddia edir. İtaliya klubunun vəziyyətin həlli üçün təklif etdiyi müqavilə şərtlərini qitə futbol qurumu rədd edib. Bundan əlavə, UEFA biznes sahəsində şübhəli şəkildə tanınan klub sahiblərinə güvənmir.
“Milan” rəhbərliyi avrokuboklardan kənar qalacağı təqdirdə Lozanna Arbitraj Məhkəməsinə apellyasiya şikayəti verməyi planlaşdırır.