Klublararası dünya çempionatı 2022-ci ilin iyun ayında keçirilə bilər
Koronavirus pandemiyasına görə təxirə salınan klublararası dünya çempionatının təqribi keçirilmə vaxtı müəyyənləşib.
NUHÇIXAN İnformasiya Agentliyi xəbər verir ki, mundial 2022-ci ilin iyununda təşkil oluna bilər.
Yarış 2021-ci il 17 iyun-4 iyul tarixlərinə nəzərdə tutulurdu. Amma “AVRO-2020”nin növbəti ilə təxirə salınması klublararası dünya çempionatının da vaxtının dəyişməsinə səbəb olub.
Qeyd edək ki, turnir yeni formatda və 4 ildən bir keçiriləcək. İştirakçılarının sayının 7-dən 24-ə yüksəldiləcəyi gözlənilir.