Kriştianu Ronaldu "Yuventus"la bağlı qərarını verib

İtaliyanın "Yuventus" klubunun futbolçusu Kriştianu Ronaldu hazırkı komandasını vaxtından tez tərk etməyəcək.

NUHÇIXAN İnformasiya Agentliyi "Tuttosport"a istinadən xəbər verir ki, portuqaliyalı hücumçu müqaviləsinin bitəcəyi 2022-ci ilin yayınadək Turin təmsilçisində çıxış etmək niyyətindədir.

Fransa PSJ-sinin onunla maraqlanmasına baxmayaraq, 35 yaşlı forvard İtaliyada qalacaq.

Qeyd edək ki, 2018-ci ilin yayında İspaniya "Real Madrid"indən "Yuventus"a transfer olunan Kriştiani Ronaldu bu mövsüm A Seriyasında meydana çıxdığı 22 oyunda 21 qol vurub, 3 məhsuldar ötürmə edib.