Türkiyə millisinin müdafiəçisi İngiltərə çempionatının rəmzi komandasında yer alıb

"Daily Mail" nəşri İngiltərə Premyer Liqasında cari mövsümün rəmzi komandasını açıqlayıb.

NUHÇIXAN İnformasiya Agentliyi xəbər verir ki, rəmzi heyətdə lider "Liverpul"dan 7, "Lester Siti"dən iki, "Mançester Siti" və "Aston Villa"dan isə bir futbolçu yer alıb. Türkiyə millisinin və "Lester Siti"nin müdafiəçisi Çağlar Söyüncü də ən yaxşı 11-liyə daxil edilib.

Komandada qapıçı mövqeyində Alisson Bekker ("Liverpul"), müdafiəçilərdən Trent Aleksander Arnold, Vircil Van Dayk, Endryu Robertson ("Liverpul"), Çağlar Söyüncü ("Lester"), yarımmüdafiəçilərdən Kevin de Bruyne ("Mançester Siti"), Cordan Henderson ("Liverpul"), Cek Qriliş ("Aston Villa"), hücumçulardan isə Sadio Mane, Məhəmməd Salah ("Liverpul") və Ceymi Vardi ("Lester") yer alıblar.