“Real Madrid” məşqləri bərpa etməyi qərarlaşdırıb
İspaniyanın “Real Madrid” futbol klubu bazasında məşqlərin bərpa olunma tarixinə qərar verib.
NUHÇIXAN İnformasiya Agentliyi xarici KİV-lərə istinadla xəbər verir ki, mayın 11-i klubun əməkdaşları və futbolçuları Valdebebasda toplaşacaqlar. Futbolçular fərdi məşqlərə başlayacaqlar.
Ehtiyat tədbiri kimi komanda üzvləri aralarında məsafə saxlayacaqlar.
Qeyd edək ki, La Liqada cari mövsüm koronavirus səbəbindən təxirə salınıb. Çempionatın bərpası ilə bağlı dəqiq tarix məlum deyil.