“Beşiktaş” klubu konqolu futbolçu ilə ikiillik müqavilə imzalayacaq
“Beşiktaş” futbol klubu yeni mövsüm ərəfəsində heyətini gücləndirməkdədir.
NUHÇIXAN İnformasiya Agentliyi xəbər verir ki, komanda Super Liqanın digər klubu “Alanyaspor”un 29 yaşlı müdafiəçisi Fabris En-Sakala ilə razılaşıb. Bir müddət futbolçu ilə yaxından maraqlanan “qara qartal”ın baş məşqçisi Sərgən Yalçın bu keçidin kifayət qədər xeyirli olacağını vurğulayıb.
Konqolu futbolçu ilə ikiillik müqavilə imzalanacaq. Fabris En-Sakala “Beşiktaş”da ilk mövsümünə 800 min, növbəti il isə 900 min avro məvacib alacaq. Hazırki maliyyə böhranı şəraitində İstanbul klubunun bu transferi sərfəli sayılır.