Avropa çempionatının ən güclülərin yarışdığı E qrupunda Azərbaycanın iki şahmatçısı mübarizə aparır
Mayın 31-də şahmatın rapid növü üzrə onlayn Avropa çempionatının ən güclü E qrupunun final yarışları start götürüb.
NUHÇIXAN İnformasiya Agentliyi xəbər verir ki, qitə çempionatının finalında Azərbaycanın iki şahmatçısı - Vasif Durarbəyli və Vüqar Əsədli mübarizə aparacaqlar. Həlledici qarşılaşmalar Olimpiya sistemi üzrə 16 şahmatçı arasında təşkil ediləcək.
E qrupunun seçmə mərhələlərində 30 şahmatçımız yarışıb. Onlardan V.Durarbəyli 8 turdan 7,5 xal toplayaraq birinci pillədə qərarlaşıb.