Andrey Şevçenko daha iki il Ukrayna millisini çalışdıracaq
Ukraynanın futbol üzrə milli komandasının baş məşqçisi Andey Şevçenko bu vəzifəsində daha iki il çalışacaq.
NUHÇIXAN İnformasiya Agentliyi Ukrayna Futbol Federasiyasının saytına istinadla xəbər verir ki, 2020-ci ildə müqaviləsi bitən A.Şevçenko 2022-ci il Qətərdə keçiriləcək dünya çempionatına qədər baş məşqçi kimi çalışacağına dair müqaviləni uzadıb.
Onunla bərabər məşqçilər korpusu Aleksandr Şovkovskiy, Pedro Xara, Andreas Maldera və Mauro Tassotti ilə də müqavilə iki il artırılıb.
Qeyd edək ki, A.Şevçenko 2016-cı ildən Ukrayna millisinin baş məşqçisidir. Bu ilin iyulunda müqaviləsinin müddəti başa çatırdı.