Məktəblilər arasında stolüstü tennis üzrə şəxsi birincilik keçirilib - FOTOLAR
Təhsil Nazirliyinin mətbuat xidmətindən NUHÇIXAN İnformasiya Agentliyinə bildirilib ki, Naxçıvan şəhər ümumtəhsil məktəblərinin oğlan şagirdləri arasında stolüstü tennis üzrə şəxsi birincilik keçirilib.
Naxçıvan Şəhər Təhsil Şöbəsi, Gənclər və İdman İdarəsi və Üzgüçülük Mərkəzinin birgə təşkilatçılığı ilə Naxçıvan Şəhər Üzgüçülük Mərkəzində baş tutan yarış “15 iyun-Milli Qurtuluş günü” nə həsr olunub.
Keçirilən yarışda ümumilikdə 12 şagird iştirak edib. Yarışın nəticələrinə əsasən, 10 nömrəli tam orta məktəbin şagirdi Rəfael Yusifov birinci yerə, 2 nömrəli tam orta məktəbin şagirdi Həmzə Sadiqov ikinci yerə, 17 nömrəli tam orta məktəbin şagirdi Hüseyn Abbasov və 11 nömrəli tam orta məktəbin şagirdi Nihad Cabbarlı isə üçüncü yerlərə layiq görülüblər.
Sonda qalib idmançılar diplomla mükafatlandırılıblar.