Messi "Barselona" klubunu tərk etmək niyyətindədir
Lionel Messi "Barselona" ilə yeni müqaviləyə dair danışıqları dayandırıb.
NUHÇIXAN İnformasiya Agentliyinin məlumatına görə, ispan komandasının kapitanı 2021-ci ildə klubu tərk etmək niyyətindədir.
Bildirilir ki, 33 yaşlı argentinalı komanda daxili qarşıdurmaların təşəbbüskarı olduğu barədə mediada yayılan məlumatlardan məyus olduğundan "Barselona" ilə 2021-ci ildə sona çatan müqaviləni yeniləmək barədə danışıqları dayandırıb.
Futbolçu klub uğrunda ilk dəfə 2004-cü ildə çıxış edib. İyunun 30-da L.Messi komandanın "Atletiko" ilə matçında karyerasındakı 700-cü qolunu vurub (630 qol "Barselona"da, 70 qol Argentina yığması uğrunda)
2019-cu ilin dekabrında oyunçu "France Football" jurnalının versiyasına görə ilin ən yaxşı futbolçusuna verilən "Qızıl top" mükafatına layiq görülüb. Ümumiliktə L.Messinin arxivində 2009, 2010, 2011, 2012, 2015 və 2019-cu illərdə aldığı altı belə mükafat var.